+370 6333 7870
Žemaitiu
Lietuvių English Žemaitiu

Dontū implantacėjė Klaipieduo

Klasėkėnė dontū implantacėjė so patėkėmās „Osstem“ ėr „Straumann“ implantās. Tink pacijėntams, natekusims vėina a keliū dontū ėr nuorontims truopnė, ėlgalaikė sprėndėma.

Registroutėis konsultacėjē +370 6333 7870

Kas īr dontū implantacėjė?

Dontū implants īr titana sraigtielis, atstuojontis natūralė dontėis šakni. Ons isriegams i žondikaulė kaula, pri anuo prigīn par kelis mienesius (osseointegracėjė) i pasėdara pagrindo vainėkeliou, tėlteliou a vėsam protezou. Implants lēd atstatītė prarasta donti i narēk ba rēkala apdėldītė gretėmū dontū, kap atsėtėkto daront tėltieli.

Mėška klinėkuo renkamuos klasėkėnė implantuoluogėjė – na grētojė „dontis par dėina“ schema. Pašalėnė donti laukam vėdotėnėškā 4 mienesius, pakol susėformou kuokībėšks kauls, i tik tumet implantoujem.Ka

implants isėsavėn, apėnt laukam lig 4 mienesiu, i tik tumet protezoujem. Tas kels lietiesnis, bet kor kas patėkėmiesnis ėlgalaikio puožiūrio.

Chirūrgėnė dali (īsok pati implanta) atlėikt veida i žondikauliu chirūrgs Duonats Kobėlios, torontis dėdelė patėrti šiuo srėtie. Sodietingās atvejēs (kaula trūkoms, sinusa pakielėms) ons atlėikt kaula augmėntacėjė.

Vainėkelė dali ožbaig gīd. Laurs Smėlgevīčios. Nauduojem do patėkėmus implantu gamintuojus: „Osstem“ (Pėitū Koriejė) ėr „Straumann“ (Šveicarėjė).

Kumet rēk?

  • Prarasts vėins dontis: nuorėt atstatītė anon naapdėldont svēkū kaimīnu.
  • Trūkst keliū dontū ėš eilies: implantā laika tėltieli, katras jautas kap natūralė dontis.
  • Vėsai badontis žondikaulis: 4–6 implantā gal laikītė fėksouta proteza (All-on-4, All-on-6).
  • Sunkē laikuos ėšjemama plokštelė: 2 implantā so lokatuorēs anon truopnē ožfėksou.
  • Pažeists dontis, katruo nabgal ėšgelbietė: šalėnėms so atėdieto implantavėmo.
  • Nuorėt ėšvėngtė tėltelė: ka gretėmė dontis lėkto svēkė ėr naapdėldītė.
  • Ožtenk kaula arba galem anon priaugintė: sprėndam po 3D KKT analizės.

Procedūras etapā

  1. 1

    Konsultacėjė ėr 3D KKT

    Ivertėnama kaula būklė, sinusu, nervu eiga, planoujema implanta vėita i tips.

  2. 2

    Šalėnėms (jē rēk) ėr kaula gėjėms

    Pašalėnėn donti laukam api 4 mienesius, pakol sosėformou kuokībėšks kauls implantou.

  3. 3

    Implanta isokėms

    Procedūra so vėitėnė najautra atlėikt chirūrgs Duonats Kobėlios. Trunk api valonda.

  4. 4

    Osseointegracėjė

    3–4 mienesius implants gīn pri kaula. Tou laiko galėt nešiuotė laikėna sprėndėma.

  5. 5

    Gėjėma galvutės isokėms

    Atverama dontėna ėr isokama gėjėma galvutė, ka sosėformouto natūralos dontėnas kontūrs.

  6. 6

    Atspaudā ėr vainėkelė gamība

    Skaitmenėnē atspaudā, vainikielis gamėnams laboratuorėjuo 1–2 savaitės.

  7. 7

    Vainėkelė fiksavėms

    Cirkuonė keramėkas vainikielis tvėtėnams ont atramuos, patėkrėnams sōkondis ėr estetėka.

Implantu sistemu palīgėnėms

SavībėOsstemStraumann Roxolid SLA
Kėlmies šalisPėitū KoriejėŠveicarėjė
Implanta kaina550 €650 €
Vainikielis ont implanta500 €550 €
Kou pasėžīmPlatē Azėjuo ėr Euruopuo nauduojema sistema, gers kainas ėr kuokībės santīkis, ėlgametis klinėkėnis tīrėmu pagrindsPremium klasės titana-cirkuonė līdėnīs (Roxolid), SLA pavėršios grētesnē osseointegracėjē, pripažinta vėina patėkamiausiu pasaulie
Kam tinkStandartėnems atvejems, ka kauls gers, racionalem biudžetouSodietingims atvejems, pluonesnem kaulou, pacijėntams, nuorontims aukščiausės klasės sprėndėma

Dontū implantacėjės kaina

  • „Osstem“ implants 550 €
  • „Straumann Roxolid SLA“ implants 650 €
  • Cirkuonė keramėkas vainikielis ont implanta (Osstem) 500 €
  • Cirkuonė keramėkas vainikielis ont implanta (Straumann) 550 €
  • Gėjėma galvutė (Osstem / Straumann) 70–80 €
  • Atvėra sinusa pakielėma operacėjė jē rēk kaula papėldīma 500 €

Vėsa kainuorašti rasėt če. Tėkslė kaina patvėrtinsem po apžiūruos.

Priežiūra po dontū implantacėjės

Po implantacėjės pėrmas valondas nauduokėt šalta kompresa ėš ėšuorės – somažins sopotėma. Vėdotėnėškā sopotėms didžiausis 2–3 dėina i pats praēn par 5–7 dėinas. Skausmos īr švelnos i kontrolioujems paprastās vaistās (ibuprofens, paracetamuolis).

  • Pėrma savaitė nakromtīkėt operouta posė.
  • Maitinkities minkšto, drungno maisto, vėnkėt karšta ėr aštrė.
  • Pėrmas paras nasėskalaukėt intensīvē, nu ontruos dėinuos švelnē skalaukėt antiseptinio skīsčio (so chlorheksidino).
  • Dontis valīkėties, bet operoutas vėitas pėrmuom dėinuom vėnkėt, vieliau valīkėt dėdlē švelnē.
  • Vėnkėt rūkīma bėnt 2 savaitės: ons žīmē bluogėn implanta prigėjėma.
  • Spuorta atėdiekėt 1–2 savaitiems.
  • Antibijuotėkus i kėtus vaistus vartuokėt palei noruodīmus.

Par 3–4 mienesius implants integroujes i kaula. Po tuo atvīksėt vainėkelė gamībā.

Galotėnā imontavos sprėndėma, svarbo regoleri profesionali bornuos higiena kas 6 mienesius, ka implants tarnauto dešimtmečius. Vėsas implantacėjės kainas kainuoraštie.

Dielkuo rinktėis Mėška odontuoluogėjės klinėka dontū implantacėjē?

  • Klasėkėnė, na grētuoji implantuoluogėjė: liečiau, bet daug patėkėmiau. Po šalėnėma laukam 4 mienesius, po implantacėjės – dā 4 mienesius.
  • Veida ėr žondikauliu chirūrgs Duonats Kobėlios: implantu sokėms i kaula augmėntacėjė īr anuo douna kasdėinėnė.
  • Tik patėkėmė implantā: „Osstem“ (Pėitū Koriejė) ėr „Straumann“ (Šveicarėjė). Pėgiū, naaiškiū firmu implantu natorem.
  • 3D KKT planavėmou: kuožnam implantou privaluoma kompiuterėnė tomograma, ka žėnuotomem nervu i sinusu eiga.
  • Komandinis darbs: chirūrgs īsok, gīd. Laurs Smėlgevīčios ožbaig protezavėma, dontū techniks pagamėn vainikieli.

Gīdītuos odontuoluogs Laurs Smėlgevīčios api dontū implantacėjė:

Kartās mon sosėdara īspūdis, ka pacijėntams dontū implantuoluogėjė īr vėina labiausē mistifėkoutu odontuoluogėjės srėčiū. Ėš vėinuos posės veizont, diel agresīvė marketinga sosėdara īspūdis, ka tik implantā gal ėšgelbietė pasauli, vo tėltėnē protezā īr jau atgīvena. Bet ėš kėtuos posės, žmuonis dā tor daug baimiu, sosėjosiu so ta srėtimi: naprėgīs, atmes ėr pan. Tudie, ka rēk rinktėis, katras gīdīms geriausis, kīl daug vėsuokiu diskusėju ėr abejuoniu.

Vo ėš tikrūju vėskas daug (na)paprasčiau... Vėskas priklausa nu situacėjės. Kuožnos atvejis skėrtings, ėr tik par konsultacėjė mes sīkio so pacijėnto dedam vėsus „ož“ ėr „prīš“, kol sorondam tinkamiausi i racionaliausi gīdīma būda būtėnt anam, vo na diedē ėš reklamas a kaimīnou ėš gretėmuos lāptėnės. 😊

Grētuoji implantuoluogėjė, katra šauk, ka „dontis par vėina dėina ėštrauko ėr ėš sīkė īsoko“, aš natėko. Gal tas i vėliuojontē skomb ėš marketingėnės posės, bet palėkem ton verslininkams. Vo ėš gīdītuojė pozicėjės, nomatont galėmuos komplėkacėjės, ta rizėkings kels. Mes renkamuos klasėkėnė imploatuoluogėjė: geriau liečiau, bet patėkėmiau. Tudie ėštraukos donti palaukam vėdotėnėškā api 4s mienesius, pakol sosėformous kuokībėšks kauls, ėr tik tumet atlėiktam implantacėjė.

Mūsa klinėkuo chirūrgėnė dali (būtėnt īsok implanta), atlėikt veida ėr žondikauliu chirūrgs Duonats Kobėlios, katras tor daug patėrtėis šiuo srėtie. Anam ta douna kasdėinėnė, tudie i sodietingė a komplėkoutė atvejē, ka rēk priaugintė trūkstama kaula, pakeltė sinusa ar pan., atlėiktamė profesionalē ėr patėkėmā. Po implantacėjės apėnt laukam lig ketoriū mienesiu, vo tumet jau aš užbaigo protezavėma dali.

Klinėkuo nauduojem patėkėmus „Osstem“ ėr „Straumann“ implantus. Ta patėkėmas, klinėškā patėkrintas implantu sistemas. Napasėtėko pėgēs a naaiškiū firmu implantās, tudie pacijėntā, katrėi nuories stėprē pataupītė kuokībės saskaita, pri mūsa nieka napeš... Napīkėt, bet če stebuklu nabūn: pėgē, bet gerā naėšēn, nors to kon... 😊

Gīdītuos odontuoluogs Laurs Smėlgevīčios

Dontū implantacėjė: klausēmā ėr atsakīmā

A dontū implantacėjė īr skausminga procedūra?
Ta vėins dažniausiu klausėmu ėr vėsā natūralos. Par procedūra taikuom vėitėni noskausmėnėma, ta nikuokė skausma najausėt. Po operacėjės gal būtė bėškieli jautrē a sopostė, bet vėskon gal valdītė švelnēs vaistās. Ba tuo, mes vėsumet šalėp: stebam, rūpėnamuos ėr atsakuom i vėsus klausėmus.
Kuokė dontū implantacėjės kaina?
Implants so vainėkelio Mėška klinėkuo: „Osstem“ – 550 € + vainikielis 500 € (ėš vėsa api 1050 €), „Straumann“ – 650 € + vainikielis 550 € (ėš vėsa api 1200 €). Gal rēktė somuokietė papėlduomā: 3D KKT, gėjėma galvutė – 70–80 €, sinusa pakielėms – 500 €. Vėsas kainas kainuoraštie.
Kas bėndrā īr dontū implants?
Trumpā taront, ta dėrbtėnė dontėis šaknis, mažos, bet dėdlē dėkts titana sraigtielis, katras isriegams i žondikauli. Prigėjės ons pasėdara pagrindo vainėkeliou (dėrbtėnem dončiou), katras atruoda i funkcionou līgē kap natūralos dontis.
Kėik trunk dontū implantacėjė?
Pats implanta isriegėms īr grēta procedūra, dažniausē trunk api valonda. Vėsos pruocesos (nu šalėnėma lig vainėkelė) trunk 6–9 mienesius diel būtėna kaula formavėmuos i osseointegracėjės.
Kėik laika tarnau implantā?
Tinkamā priveizont, dėdlē ėlgā, i dešimtmečius. Kap katrėi žmuonis gīven so tās patēs implantās vėsa lėkosi gīvenėma. Svarbo tik napamėrštė regolerē lonkītėis pas odontuoluoga i palaikītė gera bornuos higiena.
A implants atruodīs natūralē?
Tēp, ta mūsa tėkslos. Priš gamindamė vainikieli, ivertėnam dontū spalva, fuorma, propuorcėjės, ka naujēsis dontis isėlėito i jūsa šīpsėna tēp, ligo vėsumet tėn būto bovės.
A galio torietė implanta, jē trūkst keliū dontū ėš eilies?
Tēp. Kap katrās atvejēs kuožnam dončiou rēk atskėra implanta, bet tonkē nauduojem tėltelius arba „All-on-4“ sistemas, kor kelė impantā laika vėsa dontū eilė. Ton aptaram par indėvidualė konsultacėjė.
Kon rinktėis: implanta a dontū tėltieli?
Diel implanta narēk apdėldītė gretėmū svēkū dontū, ėlgiau tarnau ėr sauga kaula nu nīkėma. Tėltielis īr pėgiesnis ėr grētiesnis sprėndėms, bet rēk apdėldītė do gretėmus dontis. Sprėndėms priklausa nu gretėmū dontū būklės, kėik īr kaula i biudžeta. Aptaram par konsultacėjė.
Kou skėras „Osstem“ i „Straumann“ implantā?
„Osstem“ (Pėitū Koriejė) īr patėkėma vėdotėnės kainas sistema, platē nauduojema Euruopuo. „Straumann Roxolid SLA“ (Šveicarėjė) īr premium klasės titana-cirkuonė implants so SLA paviršio, katras grēčiau prigīn i tinka net plonesnemė kaulyje. Abodo īr poikė sprėndėmā, sodietingims atvejems tonkiau renkamuos „Straumann“.
A implanta gal atmestė orgonizmos?
Tėkra implanta atmetėma reakcėjė (kap so organu tronsplantacėjė) praktėškā nepasėtaika, nes titans īr bioluogėškā inertėšks. Bet implants gal neprigītė diel infekcėjės, prastuos higienas, rūkīma a naožtenkama kaula. Šioulaikėniu implantu siekmies tėkamībė īr 95–98 %.
A galio rūkītė, jē toro implanta?
Rūkīms žīmē dėdėn implanta naprigėjėma i periimplantita (dontėnas oždegėma api implanta) rizėka. Bėnt 2 savaitės po operacėjės rūkītė nagal, vo ėlgoujo laikuotarpio rūkīms reikšmingā trumpėn implanta tarnavėma laika. Jē rūkuot, atvėrā pasakīkėt, plana pritaikuom.
A implantacėjė gal atlėktė toront diabeta ar osteoporuozė?
Tēp, bet būtėna, ka lietėnė lėga būto gerā kontrolioujema (diabeta atvejo Hba1c <7%). Vartuojont bifosfonatus (vaistus nu osteoporuozės), rēk konsultacėjės so gīdončio gīdītuojo, nes īr čeliuškinėnės osteonekruozės rizėka. Vėsumet pasakīkėt mūms api vėsus vartuojemus vaistus.

Sosėjosės paslaugas

Rēkalinga dontū implantacėjė Klaipieduo?

Kvėitam sosėtėktė, atsakīsem i vėsos rūpamos klausėmos ėr padiesem rastė geriausi sprėndėma.

Ožsakītė paslauga